Turp për BE”/ Rama: Kosova s’mund të jetë vendi i fundit në Evropë që do marrë liberalizimin e vizave

Kosova është marrë peng i logjikës elektorale në vende te ndryshme të BE”, kështu tha kryeministri Edi Rama për mos liberalizimin e vizave ndaj Kosovës.

Duke e cilësuar si turp për BE, kreu i qeverisë tha: “Turp për BE! Duket surreale, që Kosova të presë, dhe të jetë vendi i fundit në Evropë që do marrë liberalizimin e vizave”, tha Rama.

Ndërkohë Rama tha se synimi i Shqipërisë tashmë është hapja përfundimtare e kufirit mes dy vendeve.

“Kushtet për takimet a afërta janë shumë të kufizuara. Arrijmë që të organizojmë së bashku këtë takim të gjashtë ndërqeveritar pikërisht në 100 vjetorin e kryeqytetit. Përpara se të vinim këtu kemi pasur bisedë miqësore me kryeministrin. Për një projekt të përbashkët rikualifikimi urban të qytetit historik të shqiptarisë. Takimet ndërqeveritare janë zhvilluar në frymën e një vllazërie. Janë një mundësi shumë e mirë për të bërë një bilanc për hapat e hedhur si dhe të vendosim piketa për hapat e ardhshëm.

Hapat e hedhur nuk janë të vegjël megjithëse distancat deri në përmbushjen e vizionit mbetet e madhe. Nëse i referohemi mbledhjes së fundit, të gjitha marrëveshjet që arritëm janë në proces zbatimi ose janë zbatuar.

Mund të përmend hapjen e pikave kufitare Morinë – Vërmicë. Kjo falë punës së mirë të forcave policore kufitare por kjo nuk mjafton dhe ambicia jonë është heqja e kufirit në funksion të zbatimit të 4 lirive të bashkimit europian duke filluar nga më e thjeshta dhe më kuptimplota. Ministritë e brendshme duhet të intensifikojnë punën që të bëjnë databazën e përbashkët. Do të na mundësonte hapjen përfundimtare të kufirit” – tha Rama. Tch/

Shpërndaje lajmin me të tjerët
0Shares
0 0 0

8 thoughts on “Turp për BE”/ Rama: Kosova s’mund të jetë vendi i fundit në Evropë që do marrë liberalizimin e vizave

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *