Boçvarski: Autostrada Shkup-Bllacë do të jetë gati për tre vjet

Ministri i ri i transportit dhe lidhjeve Bllagoj Boçvarski thotë se autostrada Bllacë- Shkup do të jetë gati brenda tre viteve të ardhshme. Në takimin me homologun e tij nga Kosova në Prishtinë, Boçvarski zbuloi se ka probleme me punimet ndërtimore në një pjesë të rrugës dhe kjo është arsyeja pse tashmë po bëhen projekte të reja për një pjesë të autostradës. Skenari i tij optimist është se autostrada deri në Kosovë do të jetë gati më së voni deri në vitin 2022.

Të dy ministrat ranë dakord që brenda tre viteve Maqedonia dhe Kosova të kenë një kufi të përbashkët. Qëllimi është bashkëpunim më i mirë ekonomik dhe fluksi më i shpejtë i njerëzve dhe mallrave.

Përveç projekteve të infrastrukturës, në takim u diskutua gjithashtu lidhja energjetike midis dy vendeve, si me sistemin e gazsjellësit ashtu edhe me energjinë elektrike. Përndryshe, Kosova është një nga vendet e rralla me të cilat Maqedonia ka një suficit tregtar. Të dhënat tregojnë se nga janari deri në gusht të këtij viti, vëllimi i tregtisë ndërmjet Maqedonisë dhe Kosovës arriti në 168.5 milion euro, i cili krahasuar me vitin e kaluar është ulur me gati 50 milion euro. Eksportet nga vendi në Kosovë arritën në gati 150 milion euro dhe mallrat me vlerë gati 20 milion euro u importuan nga Kosova. Alsat/

Shpërndaje lajmin me të tjerët
0Shares
0 0 0

3 thoughts on “Boçvarski: Autostrada Shkup-Bllacë do të jetë gati për tre vjet

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *