Fitore për Barcelonën, Juven dhe Çellsin, dështon PSZH

Skuadra e Barcelonës ka shënuar fitoren e radhës në Ligën e Kampionëve, duke e mundur 2:1 Dinamo Kievin dhe për katalanët, kjo ishte fitorja e tretë në tri ndeshjet e para. Lionel Messi në minutën e 5’, i dha epërsinë e parë Barcelonës, duke shënuar nga penalltia., ndërsa në minutën e 65’, Zherard Pike shënoi për 2:0. Mysafirët u rikthyen në ndeshje, kur 22 vjeçari Viktor Tsygankov ngushtoi epërsinë në 2:1, kur shënoi në minutën e 75’. Në minutat e mbetura nuk pati asnjë ndryshim, me Barcelonën që regjistroi fitoren e radhës.

Çelksi ka shënuar fitore të lehtë në ‘Stemford Brixh’, duke e mundur 3:0 skuadrën e Renit. Sulmuesi i ardhur nga RB Leipzig gjatë verës së fundit, Timo Verner, shënoi dy gola nga penalltia, në minutat 10’ dhe 41’.  Rezultatin përfundimtar të ndeshjes e vendosi Tamu Abraham, kur shënoi në minutën e 50’.

RB Lajpzig ka shfrytëzuar formën jo të mirë të PSZH-së, duke i mundur 2:1 në ndeshjen e xhiros së tretë të Ligës së Kampionëve. Francezët e nisën më mirë takimin, duke kaluar në epërsi në minutën e 6’, me anë të Angel Di Marias. I njëjti, dhjetë minuta më vonë dështoi nga penalltia. Vazhdimi i ndeshjes foli për RB Leipzig, që përmbysi rezultatin. Kristofer Nkunku fillimisht barazoi rezultatin në minutën e 42’, para se Emil Forsberg të shënonte golin e fitores në minutën e 57’.

Shpërndaje lajmin me të tjerët
0Shares
0 0 0

2 thoughts on “Fitore për Barcelonën, Juven dhe Çellsin, dështon PSZH

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *