Cakaj, takim virtual me homologët e NATO-s/ Për çfarë u diskutua

Ministri në detyrë për Evropën dhe Punët e Jashtme, Gent Cakaj mori pjesë në takimin virtual dyditor të Ministrave të Punëve të Jashtme të NATO-s, i cili u drejtua nga Sekretari i Përgjithshëm i NATO-s.

Në takim u trajtuan çështjet kryesore me të cilat përballet aktualisht siguria transatlantike, si përforcimet ushtarake të Rusisë, përqasja ndaj Kinës, ecuria e misionit të NATO-s në Afganistan, zhvillimet në Ballkanin Perëndimor dhe atyre në Detin e Zi.

“Kjo mbledhje dyditore e Ministrave të Jashtëm të NATO-s ishte jashtëzakonisht e vyer edhe për t’i dhënë një mbështetje shtesë projektit të rritjes së kapaciteteve vepruese dhe forcimit të unitetit të brendshëm brenda Aleancës – NATO 2030″, u shpreh Cakaj në një reagim në Facebook, sa i përket pjesëmarrjes së tij në këtë takim.

Në përfundim Cakaj shprehu krenari për kontributin dhe frymën bashkëpunuese të Shqipërisë, që prej anëtarësimit të saj në NATO./topchannel

Shpërndaje lajmin me të tjerët
0Shares
0 0 0

5 thoughts on “Cakaj, takim virtual me homologët e NATO-s/ Për çfarë u diskutua

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *