Mjekët thirrje qytetarëve: Respektoni masat dhe rekomandimet shëndetësore

Janë në linjën e parë të frontit, por betejën 9 muajsh tani më po e mbajnë me forcat e fundit. Mantel bardhët shprehen se janë të lodhur fizikisht me punën e përditshme të pacientëve me CoVid-19. Por, lodhjen psikike e shprehin kur qytetarët të gjithë fajin e kësaj situate ua hedhin atyre. Në Spitalin “8 Shtatori” ku mbi 100 pacientë janë të shtruar me virusin korona dhe mbi 200 të tjerë marrin çdo ditë shërbime ambulantore, personeli mjekësor kërkon mirëkuptim.

E kam patjetër të pranoj sado që të përpiqemi dhe sado që të jemi në numër nuk mund të jenë të pranuar të gjithë në të njëjtën kohë, prandaj shkaktohet revoltë e madhe. Kjo është njëra anë, kurse pacientët që presin për kontrolle ditore bëjnë turma të mëdha, prej tyre kemi shumë lëvdata por edhe kritika. Kinse me qëllim i kemi diagnostikuar me kovid për ndonjë qëllim, por dëshmoj se si tek ne ashtu edhe tek spitalet e tjera nuk është e vërtetë – deklaroi Vllatko Aleksov, Udhëheqës i Qendrës Emergjente.

Heronjtë e kësaj lufte biologjike iu bëjnë thirrje qytetarëve që të respektojnë rekomandimet shëndetësore për të parandaluar infektimin përpara se të sëmurën për tu kuruar në sistemin që tani më është në prag të kollabimit. Se po përbuzët mundi i tyre, rrëfejnë edhe infermierët, të cilët janë shumicën e kohës me pacientët, të cilët luftojnë për jetë a vdekje.

Ndonjëherë edhe me lot shprehemi për gjithë atë që ndodh nëpër kovid qendra. Infermieret janë 24 orë kujdestari në reparte të ndryshme, përmes orarit të rotacionit hynë nëpër dhomat e pacientëve. Studimet tregojnë se infermieret kalojnë kohën më të gjatë me pacientët, rreth 4 orë gjatë ditës pavarësisht se jemi në kohë krize zë pandemisë roli i infermierëve është vendimtar”, u shpreh Gordana Bisliovska, Kryeinfermiere.

Virusi korona nuk ka kursyer as personelin mjekësor. Që nga fillimi i pandemisë e deri në fillim të dhjetorit janë infektuar rreth 360 mjekë, infermierë, laborantë dhe staf tjetër të angazhuar në të gjitha klinikat infektive, repartet spitalore dhe kovid qendrat e vendit. Als/

Shpërndaje lajmin me të tjerët
0Shares
0 0 0

5 thoughts on “Mjekët thirrje qytetarëve: Respektoni masat dhe rekomandimet shëndetësore

Lini një Përgjigje te EvaViame Anuloje përgjigjen

Adresa juaj email s’do të bëhet publike. Fushat e domosdoshme janë shënuar me një *