Kosova dhe Serbia zhvillojnë një tjetër takim në nivel ekspertësh

Të enjten në Bruksel zhvillohet një takim në mes të shefave të delegacioneve të Kosovës dhe Serbisë në kuadër të dialogut, të cilin e ndërmjetëson Bashkimi Evropian.

Zyrtarë nga Bashkimi Evropian nuk kanë dhënë hollësi rreth këtij takimi, duke u arsyetuar se është në nivel të ekspertëve dhe se BE-ja në raste të tilla nuk jep hollësi.

Por, ajo që është konfirmuar nga Bashkimi Evropian është se temë e takimit të sotëm do të jenë çështjet e lidhura me pretendimet financiare dhe pronësore që palët kanë ndaj njëra-tjetrës.

Së pari delegacionet do të takohen ndarazi në takime bilaterale me të dërguarin e posaçëm të BE-së për dialog Mirosllav Lajçak e më pas do të kenë takimin e përbashkët.

Kjo formë është bërë tashmë e zakonshme në raundet e dialogut në Bruksel.

Takimi i 10 dhjetorit vjen pas një pauze gjatë së cilës nuk ka pasur takime.

Për këtë shpesh si arsyetim është përmendur pandemia e koronavirusit, mirëpo disa diplomatë në BE pohojnë se në ngadalësimin e dinamikës së dialogut ka ndikuar edhe refuzimi i Kosovës që të diskutohet për themelimin e Asociacionit të komunave me shumicë serbe në Kosovë, sipas marrëveshjes së arritur kohë më parë, dhe insistimi i Serbisë që kjo temë të jetë në tryezën e bisedimeve.

Pala kosovare vazhdon të insistojë se këto diskutime janë politike e jo të ekspertëve apo teknike.

Në BE ndërkaq, takimin e së enjtes e konsiderojnë si takim të ekspertëve.

Takim në nivelin e lartë, ku marrin pjesë kryeministri i Kosovës Avdullah Hoti dhe presidenti i Serbisë Aleksadar Vuçiq, nuk ka pasur qysh nga shtatori.

Në BE vazhdojnë të pohojnë se qëllimi i dialogut është arritja e një marrëveshjeje gjithëpërfshirëse, ligjërisht obliguese, në përputhje me të drejtën ndërkombëtare dhe standardet e BE-së, përmes së cilës do të zgjidheshin të gjitha çështjet e hapura mes palëve.

Sipas vetë të dërguarit të posaçëm të BE-së për dialog Mirosllav Lajçak të gjitha marrëveshjet për temat specifike do të jenë pjesë e marrëveshjes gjithëpërfshirëse.

Dialogu mes Kosovës dhe Serbisë, me ndërmjetësim të BE-së ka nisur më 2011 në Bruksel./topchannel

Shpërndaje lajmin me të tjerët
0Shares
0 0 0

2 thoughts on “Kosova dhe Serbia zhvillojnë një tjetër takim në nivel ekspertësh

  • 10/11/2021 at 03:25
    Permalink

    454697 209132Some genuinely nice and utilitarian information on this site, as properly I believe the style has got wonderful attributes. 397223

    Reply
  • 10/04/2021 at 12:12
    Permalink

    325686 4164Extremely nice style and style and fantastic subject matter, very small else we want : D. 321335

    Reply

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *