Katër gra shtatzëna mes 20 emigrantëve të mbytur në barkën e tejmbushur drejt Italisë

Katër gra shtatzëna u zbuluan sot mes 20 emigrantëve të vdekur kur një barkë e tejmbushur u fundos në brigjet e Tunizisë.

Roja bregdetare zbuloi trupat në ujërat pranë qytetit të Sfax teksa kërkimet vazhdojnë për të mbijetuar, nga tragjedia e ditës së Krishtlindjeve.

Zyrtarët tunizianë konfirmuan se 19 nga 20 trupat e rekuperuar ishin gra, katër prej të cilave ishin shtatzënë.

Disa foto të vrazhda tregonin qeset e trupave të rreshtuara në port, teksa shkarkoheshin nga barkat e rojës bregdetare.

Katër të mbijetuar arritën të gjendeshin ndërsa kërkimet vazhdojnë për të paktën 13 të tjerë që mbeten të humbur.

Një zëdhënës i autoriteteve tha se barka mbante 37 nejrëz – tre tunizianë dhe të tjerët refugjatë nga Afrika nën-sahariane.

Mjeti ishte i tejmbushur dhe në gjendje të keqe teknike.

Autoritetet tuniziane kanë thënë se kanë interceptuar disa barka emigrantësh javët e fundit, vecanërisht mes qytezës Sfax dhe ishullit italian të Lampedusa.

Rreth 17,000 njerëz kanë mbërrritur në Itali dhe Maltë këtë vit me barka nga Libia e Tunizia, ndërsa të paktën 620 janë mbytur në detin Mesdhe vetëm në vitin 2020./topchannel

Shpërndaje lajmin me të tjerët
0Shares
0 0 0

3 thoughts on “Katër gra shtatzëna mes 20 emigrantëve të mbytur në barkën e tejmbushur drejt Italisë

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *