Gjashtë viktima dhe 363 raste të reja me COVID-19 në Kosovë

Instituti Kombëtar i Shëndetësisë Publike (IKSHPK), njoftoi të shtunën se gjashtë pacientë kanë vdekur dhe janë regjistruar edhe 363 raste të reja me COVID-19, sëmundjen që e shkakton koronavirusi i ri.

– Advertisment –

“Brenda 24 orëve janë raportuar 6 raste të vdekjes me SARS CoV-2 pozitiv. Rastet e vdekjes janë nga komunat: Prishtinë 3 raste (85, 81, 75 vjeç), Lipjan 1 rast (83 vjeç), Malishevë 1 rast (71 vjeç), Suharekë 1 rast (71 vjeç)”, thuhet në njoftim.

Rastet e reja dalin pas testimit të 1.589 mostrave, tha IKSHPK.

IKSHPK-ja njofton po ashtu se 418 pacientë kanë mposhtur sëmundjen COVID-19.

Që prej marsit të vitit 2020, e deri më 16 janar, Kosova ka regjistruar 55.498 raste me koronavirus.

Prej tyre, 1.405 pacientë kanë vdekur dhe 48.990 janë shëruar.

Raste aktive janë 5.103.

 

Shpërndaje lajmin me të tjerët
0Shares
0 0 0

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *