Bekteshi: Vazhdon mbështetja financiare për sektorët e prekur përderisa vazhdon kriza korona

Synimi kryesor i të gjitha masave ekonomike ka qenë që të ruhen vendet e punës në veçanti në sektorin privat por njëkohësisht të ndihmohen kompanitë sa i përket likuiditetit dhe atë besoj që e kemi arritur, kështu deklaroi ministri i Ekonomisë Kreshnik Bekteshi mbrëmë në emisioninin “Arti i Financës” në Televizionin  Klan. “Ne jemi të bindur se masat për mbështetjen e sektorëve të ndryshëm do të vazhdojnë  edhe në të ardhmen nëse pandemia vazhdon edhe gjatë vitit 2021. Jemi mëse të bindur që do të ketë zvogëlim edhe të papunësisë në Maqedoninë e Veriut për shkak se ka një tendencë të rritjes sa i përket tatimit personal. Sa i përket TVSH-së por edhe të hyrave tjera vërehet një rritje dhe një rikthim sa i përket aktivitetit ekonomik në vend, ” ceku Bekteshi. Ministri më tej sqaroi më detajisht mundësitë të cilat mund të shfrytëzojnë kompanitë nga Pakoja e pestë e masave dhe i bëri thirrje opozitës që mos të bllokojë ligjet të cilat janë në interes të biznesit. “Bizneset munden që vet të vendosin se cilat masa do ti shrytëzojnë në veçanti nga Pakoja e pestë ekonomike. Të gjitha bizneset që kanë kapacitet që të bëjnë investime gjatë vitit 2021 mesiguri do vendosin të marrin kredi pa kamatë me grant komponentë dhe të gjithë bizneset që nuk do të kenë atë mundësi do të shrytëzojnë masën sa i përket pagesës së pagave.” theksoi ministri. Në pyetjen lidhur me protestat që po realizohen ditëve të fundit nga pronarët e lokaleve të dasmave, muzikantëve e veprimtarive të tjera të ngjajshme ministri  Bekteshi deklaroi se po vazhdojnë bisedimet për të gjetur zgjidhje të pranueshme për të gjitha palët. “Është me rëndësi të theksohet fakti se pikërisht kërkesa kryesore  e protestuesve ka të bëj me ndryshimin e protokoleve të cilët I sjell Komisioni për sëmundje Infektive, I cili është Komision profesional dhe ne si Qeveri  në vazhdimësi  kemi respektuar propozimet e tyre. Ne do të vazhdojmë të bashkëbisedojmë, të gjejmë në zgjidhje të përbashkët por unë e kam theksuar edhe më herët tani edhe po e rikonfirmoj që ultimatumet janë të papranueshme për Ministrinë e Ekonomisë dhe për Qeverinë. Është e drejtë e tyre që të protestojnë por, ëshë obligim i yni që masat ti dizajnojmë bashkarisht me Odat ekonomike”  nënvizoi Bekteshi gjatë emisionit. Ai  tha se pikërisht ky sektor është ndër sektorët që është përfshirë thuajse në të gjitha masat e deritanishme ekonomike. “Nuk është e vërtetë se nuk kanë qenë të përfshirë në kuadër të pakove paraprake por njëkohësisht edhe në pakon e pestë të masave ekonomike marrë parasysh që pikërisht nëpërmes Pakos së katërt drejtpërdrejtë kanë përfituar grante të gjithë objektet gastronomike  për organizimin e dasmave dhe ahengjeve, në bazë të përllogaritjeve  diku rreth 1 milion euro ka qenë ndihma për këto subjekte ekonomike dhe diku kanë përfituar rreth 125 objekte gastronomike që I bie mesatarisht kanë përfituar grante diku rreth 8 mijë e 200 euro çdo kompani e cila merret  me këtë veprimtari. Të gjithë objektet  gastronomike të cilët në fillim të pandemisë nuk kanë qenë të regjistruara apo të kategorizuara në bazë të Ligjit për Gastronomi në kuadër të Ministrisë së Ekonomisë në ndërkohë kanë pasur mundësi që të kategorizojnë objektet e tyre dhe të fitojnë ndihma. Nga 16 subjekte ekonomike të cilat merren me organizimin e dasmave kemi arritur që në fund të vitit të kemi diku rreth 125 objekte gastronomike të kategorizuara” përfundoi Bekteshi. bdi.mk/

Shpërndaje lajmin me të tjerët
0Shares
0 0 0

6 thoughts on “Bekteshi: Vazhdon mbështetja financiare për sektorët e prekur përderisa vazhdon kriza korona

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *