Greqia feston 200 vjetorin e revolucionit grek/ Përgatit ceremoni madhështore, nën masa të rrepta për shkak të Covid 19

Ndërsa kulmimi i festimeve, do jetë parada ushtarake në sheshin Sintagma, ato fillojnë me hapjen e Galerisë Kombëtare, ku nëpërmjet më shumë se 20.000 pikturave, skulpturave dhe gravurave, paraqitet thesari i artit modern grek, për qytetarët si dhe për udhëheqësit e huaj që do ta vizitojnë atë.

Kryeministri Mitsotakis, në një konferencë shtypi, me presidentin qipriot, mesditen e së mërkurës,  ka çuar mesazh drejt Turqisë, duke theksuar se Greqia as nuk frikëson dikë dhe as nuk ia ka frikën askujt, ndërsa Turqia duhet të ndjeke rrugën e së Drejtës Ndërkombëtare , sepse nëse zgjedh rrugën e delikuencës, kjo do të ketë pasoja për të.

Megjithëse shumë te ftuar kanë anuluar pjesëmarrjen, për shkak të pandemisë, përfaqësues të Anglisë, Francës dhe Rusisë, tre vendeve që luajtën një rol vendimtar në luftën për Pavarësi të Greqisë, marrin pjesë në ceremonitë e ndryshme. Simbolika e festimeve shkon përtej kufijve  dhe nderohet nga grekët kudo që ndodhen, por edhe nga vendet që ndajnë të njëjtat vlera me helenizmin.

Luftëtarët grekë të vitit 1821 u frymëzuan nga idealet dhe veprimet e Revolucionit Amerikan, ashtu si revolucionarët Amerikanë dhe Etërit e Kombit tonë u frymëzuan nga shembulli i demokracisë Athinase, shkruan në mesazhin e tij ndaj homologes greke, Sakelaropoulou , presidenti amerikan Joe Biden, duke theksuar se “Greqia është një aleate kryesore e NATO-s dhe një mike e ngushtë e SHBA-së që siguron stabilitet dhe kontribuon  në mënyrë aktive për paqen dhe prosperitetin në Mesdheun Lindor, Detin e Zi dhe Ballkanin Perëndimor”.

Ne i kushtojmë një rëndësi të madhe marrëdhënieve me Greqinë, të cilat bazohen në traditat e lashta të miqësisë, si dhe në afërsinë kulturore dhe shpirtërore”, shkruan në mesazhin e tij të urimit, edhe presidenti rus, Vladimir Putin, ndërsa merr pjesë në festime, kryeministri i Rusisë, Mikhail Mishustin.

Masat e sigurisë gjatë ditës së nesërme do të jenë tepër të rrepta me më shume se 4000 police me ndihmën edhe të helikopterëve. Ceremoni te tjera zhvillohen edhe në qytete të ndryshme të Greqisë, me një rendësi historike në luftën për pavarësi dhe çlirimin nga zgjedha turke . Tch/

Shpërndaje lajmin me të tjerët
0Shares
0 0 0

21 thoughts on “Greqia feston 200 vjetorin e revolucionit grek/ Përgatit ceremoni madhështore, nën masa të rrepta për shkak të Covid 19

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *