Rregullatori i BE-së: Vaksina AstraZeneca ka “lidhje të mundshme” me mpiksjet e gjakut

Komiteti i sigurisë i EMA-së ka përfunduar sot se mpiksjet e pazakonta të gjakut me trombocite të ulëta të gjakut duhet të renditen si efekte anësore shumë të rralla të Vaxzevria (Vaksina AstraZeneca kundër COVID-19)”, tha rregullatori i BE-së në një deklaratë. Agjencia mbështeti rekomandimin e saj për të vazhduar përdorimin e vaksinës, duke thënë se përfitimet e saj tejkalojnë rreziqet.

Megjithatë, rregullatori i BE-së këshilloi profesionistët e kujdesit shëndetësor dhe njerëzit që marrin vaksinën “të qëndrojnë të vetëdijshëm për mundësinë e rasteve shumë të rralla të mpiksjes së gjakut të kombinuara me nivele të ulëta të trombociteve të gjakut që ndodhin brenda dy javësh nga vaksinimi”.

Agjencia tha se kreu një rishikim të hollësishëm të 62 rasteve të trombozës së sinusit venoz cerebral, mpiksjes së gjakut në venat në tru, dhe 24 rasteve të trombozës së venës splankike, mpiksjes së gjakut në venat në bark. Gjithsej 18 nga këto raste ishin fatale, sipas EMA-së. Në mars, disa vende evropiane, përfshirë Suedinë, Gjermaninë, Francën, Italinë, Irlandën, Holandën, Danimarkën dhe Norvegjinë, pezulluan përdorimin e vaksinës AstraZeneca për një kohë pas raporteve të mpiksjes së gjakut në disa njerëz të vaksinuar.

Rregullatori i BE-së ka konfirmuar vazhdimisht sigurinë e vaksinës AstraZeneca dhe theksoi se përfitimet e saj tejkalojnë rreziqet. Agjencia, megjithatë, vendosi të lëshojë një vlerësim të ri pasi një zyrtar i lartë tha në një intervistë të martën se ekziston një lidhje e qartë midis vaksinës dhe mpiksjeve të rralla të gjakut në tru.

“Sipas mendimit tim, ne tani mund ta themi atë, është e qartë se ekziston një lidhje me vaksinën. Megjithatë, ne ende nuk e dimë se çfarë e shkakton këtë reagim”, tha Marco Cavaleri, kreu i ekipit vlerësues të vaksinave i EMA-së, për gazetën italiane Il Messagero. Ai gjithashtu përmendi që incidente të tilla ndodhën në një përqindje më të lartë sesa pritej tek të rinjtë. tch/

Shpërndaje lajmin me të tjerët
0Shares
0 0 0

One thought on “Rregullatori i BE-së: Vaksina AstraZeneca ka “lidhje të mundshme” me mpiksjet e gjakut

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *